چوارشەممە ١٥ی مەڕداد، سەرۆک و ئەندامانی ئەنجوومەنی بەڕێوەبەری یەکێتی خواردەمەنیفرۆشانەکانی ئورمیێ، لەگەڵ بەڕێوەبەری جێبەجێکاری ئەنجومەنی خێرخوازی ئومێد، یەکەی پەیوەندییە گشتییەکان، یەکەی بەدەستهێنانی پاڵپشتی و بەرپسانی سەرای ئومێد، سەردانی بەشە جیاجیاکانی ئەم ناوەندە و نەخۆشخانەی خێرخوازی ئومێدیان کرد.
بەپێی ڕاپۆرتی پەیوەندییە گشتییەکانی ئومێد، ئەم سەردانەی کە بەدوای گفتوگۆکانی بەشی مارکێتنگی ئەنجومەن لەگەڵ یەکێتیدا و بە ئامانجی دروستکردنی ڕێگایەکی بەردەوام بۆ دابینکردنی کەلوپەلە پێویستییەکانی سەرای ئومێد و پەرەپێدانی تۆڕی خێرەمەندان ئەنجام کرا، دەرفەتێکی بۆ پێشکەشکردنی ڕاپۆرتێک لە توانا، پرۆگرامەکانی داهاتوو و دۆخی ئێستای ئەنجومەن بۆ ئەندامانی یەکێتی ڕەخساند. هەروەها بڕیار وایە بە هاوکاری یەکێتیە هاوبەشەکان لە ژێر چەتری ژووری پیشەسازان، زەمینەی پەیوەندیی بەردەوام و زانیاریدان بە ئەندامان بۆ پاڵپشتی درێژخایەنەی چالاکییەکانی خێرخوازی ئومێد دابین بکرێت.
